Nómadas en Acción somos una empresa formada por persones qu’ufrimos la nuesa esperiencia na música, el deporte y la cultura, pa desarrollar:
Alcuentrase en:
04-05-2011
Proyecto Jipi, la banda llíderada por Carlos "Jipi" ex de Disidencia y de Banda Jachis, ente otros, visita por primer vez el territoriu astur. En 2006 decidió crear esta banda con un estilu propiu y que, podríemos definir, como rock mestizu o de fusión, con unes lletres comprometíes que falen sobre temes como la inmigración, les cárceles o los malos tratos.
La cita va ser el sábadu, 7 de mayu, nel Teatru Vital Aza de La Pola Ḷḷena y tarán acompañaos del punk rock de los asturianos Misiva, dambes formaciones presenten los sos últimos discos. Too esto a partir de les 21.00 hores y con entrada de baldre pal públicu asistente. Ayuntamientu de Ḷḷena, Nómadas en Acción Multiproducciones y Xunca Records faen posible esti conciertu.
17-03-2011
Too na vida tá en permanente cambiu, nós siempre dicimos que'l riesgucero nun esiste, y ye por ello, que cuando se producen cambios col envís de xorrecer y meyorar, siempre son bienveníos. Esti ye'l casu de La Hermandad, una banda en constante evolución, que presenta al so nueu cantante Ángel Rubín (ex-Adgar). Un vocalista con gran calidá humana y musical, esta última, forxada mientres años de duru trabayu, algamando con ello una reconocencia y una trayectoria de nivel incuestionable a día de güei. Con esta nueva incorporación ciérrase'l círculu pa que'l grupu entame a preparar el so nueu discu y los festivales yá se fixen n'ellos. Podéis ver les feches de presentación cola nueva formación equí.
14-03-2011
Lleguemos a un alcuerdu cola dirección de la Sala Penélope Jávea n'Alacant, pa diseñar la programación de conciertos pa esti 2011, la cual consistirá en cuatro feches, distribuyíes ente los meses d'abril, mayu, payares y avientu. Nun se descarta amestar dalguna fecha más a esta programación, en principiu, el chupinazu de salida, darémoslu el sábadu 9 d'abril col conciertu de los granadinos Hora Zulú, acompañaos d'estes tres bandes: Pulmón Negro, Bisserots y Back Storm. Les entraes ya tán a la venta al preciu de 12 y 15 euros, apertura de puertes 18:30 hores y empiezu d'actuaciones 19:00 hores. ¡¡AFORU PERLLIMITÁU!!
10-03-2011
Dende va selmanes, Raúl Juan, más conocíu como Raúl nave 8, trabaya codu con codu nesta productora. Rexidor de la sala alicántina (hasta'l so traspasu) mientres los últimos cinco años, colocó a esti llocal nel circuitu de conciertos importantes nesti país y foi puntu d'alcuentru debien de grupos, festivales, eventos y públicos varios. La so esperiencia, trabayu y buen facer, lleguen pa sumar y convertir los proyectos, ya idees, en realidaes al meyor nivel. El so correu ellectrónicu fusiona la esencia del pasáu col frescor del presente, nel futuru puedes contactar con él en rauln8@nomadasenaccion.com
04-03-2011
La decimocuarta edición del festival Aúpa Lumbreiras!! va cellebrase los díes 23 y 24 de setiembre de 2011 en Tobarra, Albacete. Va cuntar con tres escenarios y un total de 60 grupos van conformar el cartelu, ente ellos pa la edición de 2011 yá tán confirmaos Discordia, que presenten el so últimu trabayu tituláu Fiebre. Pa 2012 yá desvelaron dalgunos grupos, Proyecto Jipi son ún de los que por allí van pasar coles sos canciones y, probablemente, con nueu discu.
03-03-2011
Güei cellébrase la 2ª y 3ª semifinal del Circuit Rock 2011, ente los seleccionaos qu'opten a llegar a la final tán Killus, esta nueche, van medise a otres cinco bandes más na Sala El Loco de Valencia de magar les 20:00 hores.
Vamos tar mui sollertes... ¡Suerte!
01-03-2011
La banda colombiana de rock mestizu alternativu, Dóctor Krápula, entra dende esti mesmu momentu a formar parte'l nuesu llistáu d'artistes. Formada en Bogotá en 1998, cuenten con un poderosu ya impactante show en vivo, el cual, llegó a trescender na memoria de más d'un millón de persones, en más de mediu millar de conciertos. Gallardonaos con diez Premios Shock de la Música y cuatro Premios Nuestra Tierra, fueron nominaos en tres ocasiones a los MTV Llatinos y, nuna, en 40 Principales España. La so música déxase sentir y déxase reflexonar, irrumpiendo en grandes mercaos ensin perder el so calter revolucionariu, social y humanitariu. Yá tán confirmaos pal prestixosu festival méxicanu Vive Latino 2011, onde grabarán l'actuación pa incluyila nel so prósimu cd y dvd, que va asoleyase mundialmente. Equí vos dexamos col videuclip "El pibe de mi barrio", sólo una pequeña muestra de la banda que presentamos. Me gusta
22-02-2011
Yá tá confirmao, el miércoles 23 de marzu, rexistraráse nel plató del programa Para todos La2 de TVE, l'actuación de Proyecto Jipi interpretando'l tema, Frío. Bien ceo pasarán tamién Discordia a inmortalizar la canción Duna, perteneciente al so últimu discu, Fiebre. Informaremos del día d'emisión, una vegada nos lu comuniquen dende la dirección/producción del programa.
16-02-2011
Tolos díes, na nuesa rede social en facebook, actualizamos y pegamos les últimes novedaes qu'acontecen nesta productora. Xúnete a nós pa tar informáu de los nuesos conciertos, nueves esclusives, semeyes promocionales, artistes, entrevistes, xires, eventos, sorteos y milenta coses más. Si te gusta, a nós tamién nos gusta.
14-02-2011
Vos dexamos con dalguna de les nueves semeyes promocionales de Proyecto Jipi pa 2011, puedes veles nel so facebook y na imaxen qu'ilustra esta noticia. Nelles yá apaez Gareth, el nueu percusionista, que se xunta a esti proyectu ensin fecha de caducidá, bien ceo tarán actuando per Madrid (19 de marzu) y como anfitriones nel conciertu de la xira de Talco n'Alicante (6 d'abril).
