Nómadas en Acción somos una empresa formada por persones qu’ufrimos la nuesa esperiencia na música, el deporte y la cultura, pa desarrollar:
Alcuentrase en:
26-01-2011
El metal industrial de Killus dexaráse ver y oyir nesti 2011. Con una puesta n'escena espectacular, tolos qu'asistan a los sos conciertos sintirán que paga la pena ver el show d'una gran banda en directu.
Nada nun tienen qu'envidiar los de Vila-Real a les bandes internacionales del estilu que pasen per esti país, les feches confirmaes y les posibles ciudaes de la península que visitarán*, son les que vienen darréu:
18 marzo 2011 Fiesta Los + Mejores - Sala Excalibur, Madrid
16 abril 2011 Emetic Club, Castelló
07 mayo 2011 Black Bird, Santander
20 agosto 2011 I Extreme Mas Metal Fest - Miranda de Ebro, Burgos
*Barcelona, Murcia, Bilbo, Uviéu,...
21-01-2011
Dempués de tener qu'aplazar d'urxencia, el conciertu del pasáu avientu en Barcelona, tenemos que comunicar que la banda volverá con fuercia de magar el mes d'abril. Sedrán casi cuatro meses d'obligáu parón, por múltiples motivos personales y otros asuntos importantes nos que tán inmersos parte los sos miembros. Tenemos qu'agradecer a los festivales, asociaciones y promotores que quinxeron cuntar col grupu nos sos cartelos esti primer trimestre del añu, y que por too esto, tuvimos que dici-yos que pa la prósima edición. Bien ceo'l fiebre Discordia de nueu o enriba los escenarios pa cellebrar los sos diez años d'esistencia.
20-01-2011
El pasáu llunes 17 de xineru, presentóse en rueda prensa una nueva edición de los Premios Amas, trátase de la sexta y cuenta con una nueva web onde pue votase a tolos nominaos. Les estadístiques arroxen datos tan significativos, como que, la participación nos primeros díes de votación ye persuperior a la de 2010, quedando abiertu'l plazu tovía hasta'l prósimu 17 de febreru. Ente los nominaos figuren, ente otros, Misiva nel apartáu Canción Rock col tema Siempre fiel, Skontra nel apartáu Portada y Diseñu o la Col.la Propinde nel apartáu Canción Folk col tema 2417. ¡¡¡Toos a votar!!!
13-01-2011
Nesti primer mes del añu 2011, acaba salir a la cai'l númberu 329 de la revista Heavy Rock, nel so interior, apaez la crónica'l conciertu de Discordia nel Gruta 77, cellebráu'l pasáu 5 de payares en Madrid. Tamién na seición Monstruos del Rock Estatales de la A a la Z, faen repasu a la trayectoria'l grupu Proyecto Jipi (semeya, bio y discografía). Dende va 29 años puedes consiguir cada númberu de la revista nel to kioscu habitual.
11-01-2011
Too nesta vida son ciclos y caminos que se crucen, caminos que por circunstancias del destín tamién se bifurquen y, que dalgunes vegaes, esi mesmu caprichosu destín vuelve a xunir. Cuando esto ocurre, cuandose xunen de nueu, dízse que ye por dalgo, y nesti casu, esi dalgo, nun ye otra cosa que l'afectu que dambes partes se tienen. Fae años que nos descubrimos mutuamente los cubanos Tendencia y nós, en tou esti tiempu, la rellación personal fízose muncho más fonda si cabe, pesie a que tuvimos que separanos temporalmente. Queremos qu'esta introducción sirva pa comunicar que Tendencia lleguen a esta productora pa quedase, vamos trabayar y esfrutar xuntos tolos momentos, incluso nos malos. Dende Pinar del Río, Cuba, aterriza l'espectáculu del etnometal. "Tendencia tána to casa, na to casa tán Tendencia".
05-01-2011
Ensin trampa, nin cartón. Entamamos esti primer trimestre del añu, con una campaña de duplicación de discos por 0,75 céntimos la unidá.
L'únicu requisitu p'acceder a la ufierta, ye facer 1.000 copies con estes característiques: Estuche jewel box tresparente, serigrafía a 5 collores, llibretu a collor de 4 páxines y a inlay, filmación de gráficos, supervisión y control de calidá del productu, manipuláu, retractiláu y porte pagáu a una llocalidá. Un regalu pal día 6 de xineru y los prósimos noventa díes más. Solicitú de condiciones ya información d'otros formatos equí.
04-01-2011
L'estrenu de la exposición fotográfica del Proyectu de Sensibilización "Una carta para Fatou, una foto para Lamin", sedrá nel Maluka Club de Xixón, el vienres 7 de xineru, a les 19:00 hores. Nós, punximos el nuesu granín d'arena diseñando la portada'l catálogu qu'aglutina toles semeyes y debuxos que podrán vese.
Darréu, de magar les 23:30 hores, enllazaráse cola Folixa III Aniversariu d'Asturies x África, onde collaborará Joaquín Pajarón con ún de los sos monólogos, habrá buena música y meyor ambiente.Ye dalgo perespecial que vos encantará, asina que, reservái la fecha. Pagará la pena.
29-12-2010
Dende la salida'l su últimu discu, Como están las cosas, Proyecto Jipi yá se punxo manes a la obra na creación de nueves canciones pal so prósimu trabayu d'estudiu. A día de güei, yá-y dieron forma a unes cuantes composiciones, y tamién, tán dándo-y un xiru al show que faerán en directu; más dinámicu y divertíu. Incorporaron percusión que, xunto a los vientos, enriquecerá más los sos conciertos y faerá que la xente esfrute d'una bona folixa cuando los vea. Siguiremos informando el prósimu añu...
28-12-2010
Saltámonos les inocentaes y facemos un exerciciu numbéricu sobre Discordia pal 2011. El prósimu añu 500.000 visites va rexistrar la banda nel so my space, ye dicir, medio millón entraron nel sitiu. Col so nueu videoclip, Acorralado, partirán penriba les 10.000 reproducciones en you tube. Más de 5.000 collacios yá acumulen nel so grupu de la rede social facebook. En definitiva, too esto, nel añu nel que cellebrarán el so 10º aniversariu y onde siguirán presentando'l so 5º discu d'estudiu, Fiebre. Son namás númberos "inocentes", pero reales como la vida mesma.
23-12-2010
Vos deseamos con esta postal unes bones, solidaries y reflexives fiestes navidiegues, y un bon añu 2011 plenu de música y cultura. Hai que ver y escuchar tantes coses nos últimos tiempos, la mayoría negatives, que dende equí afalamos al personal a siguir p'alantre y a derrochar imaxinación pa tolos sos proyectos. Tenemos confianza nos cambios que pabien han venir, de momentu, hai que siguir trabayando al ritmu de siempre. ¡Abrazos!
