Nómadas en Acción somos una empresa formada por persones qu’ufrimos la nuesa esperiencia na música, el deporte y la cultura, pa desarrollar:
Alcuentrase en:
30-11-2010
Enantes de que lleguen les fiestes, los nuesos grupos, van da-y calor a los escenarios na primer quincena d'avientu: El vienres 3, Misiva na Sala BNS Santander. El xueves 9, Salsola en Ca Beleño Uviéu y Bueno nel Nunca Jamás Uviéu. El sábadu 11, Proyecto Jipi en Nave Iguana Sant Vicent, Alacant. Y el sábadu 18, Discordia en Sala Sidecar Barcelona. Pal día 22 d'avientu, too al 19.077
24-11-2010
Dende'l pasáu mes d'Agostu, tenemos paráu'l nuesu Canal Tickets de venta on line d'entraes, la tráxica desapaición d'Edu, encargáu de Ticketing-office, supunxo que nun llegáremos a un alcuerdu hasta'l día de güei, qu'entamamos a trabayar cola empresa Codetickets. Ente los sos clientes puedes atopar a grupos y festivales como: Elbicho, Muchachito Bombo Infierno, Vetusta Morla, San Miguel Primavera Club o CruillaBCN. Esti serviciu, cuenta con múltiples aplicaciones que vamos dir poniendo a preba en 2011, ente elles venta de merchandising y ufiertes pela rede.
23-11-2010
Lléganos la crónica que vién de facer Félix Duende pa MariskalRock, del conciertu de Discordia na Gruta77 madrilana. Esi mesmu día, al acabar l'actuación, el grupu prestóse a una entrevista que podrá sintise nel programa "El duende en la Keli" el próximu xueves, 25 de payares a les 21:00 hores y el domingu, 28 a les 16:00 hores en Radio MareaRock.
18-11-2010
El próximu añu 2011 tá yá a la vuelta la esquina, el primer trimestre, va acoyer una nueva edición de los Premios Amas, sedrá la sesta y tendrá llugar el vienres, 4 de marzu nel recintu de tolos años, el Teatru Filarmónica d'Uviéu. Dende esta productora collaboraremos estrechamente cola organización, pel momentu, vos presentamos l'atractivu cartelu diseñáu nel estudiu de publicidá Arrontes&Barrera, y que veréis bien ceopeles cais.
18-11-2010
Dende va unos díes podemos atopar nel my space y na web del grupu asturian de punk-folk, Skontra, un par de temes d'adelantu del que sedrá'l su tercer trabayu d'estudiu, que llevará per títulu “Mazcando miseries”. Los temes en cuestión son: “En mi cárcel”, en castellán, y “Santana”, n'asturianu. Tarán ente los 10 temes del yá mencionáu “Mazcando miseries”, qu'asoleyará a finales d'esti mes de Payares, y cuya distribución va correr a cargu de Xunca Records, d'Algamar Producciones y de la propia banda. A entamos d'Avientu, Skontra van garrar los bartulos pa entamar la su xira de presentación del nueu trabayu, Miserable Tour, y que tendrá un inusual entamu n'Holanda y Alemania.
16-11-2010
Güei tócanos falar de nós, de los datos qu'arroxa esta web nes últimes selmanes. Visitáronnos de 17 países distintos quedando'l podium asina: 1º España / 2º México / 3º Xapón.
Les nueses visites crecieron un 66,35 %, siendo les secciones más vistes: Entamu, Tienda virtual, Artistes y Qué facemos?
Los nuesos motores de busca: Enllaces webs, facebook, google y tráficu directu. Y nos busquen como: nomadas en accion, nomadasenaccion o nomadas en accion multiproducciones.
Munches gracies.
13-11-2010
La portada de la revista musical asturiana independiente Ondetoquen, cuenta nel su númberu 3 cola presencia del baterista asturianu Rubén Mol. Amás, nel su interior, apaez una xugosa entrevista col músicu onde repasa la su trayectoria. La cosa entama asina: "Rubén Rodríguez Fernández, más conocíu como Rubén Mol, lleva una carrera imparable dende que dalgo paecío a una batería cayó ente les sus manes. [...]"
Dalgunes bandes nes que tuvo: Ilegales, Los Berrones, Nuberu, Los Ruidos, The Amateurs, Zem o Tipos de Interés.
12-11-2010
Nos tiempos que cuerren, llegar al númberu 15 d'una revista impresa que fale sólo de rock "d'equí" y rellativamente nuea, ye tou un llogru. La revista RockEstatal consiguiólo, y nesta nuea entrega, váis alcontrar una reseña destacada del nueu discu de Discordia, Fiebre. Nel númberu anterior, el 14, ya apaecía la entrevista col grupu fecha por JavierMartínez y titulada: "Discordia, pasos firmes".
11-11-2010
Tres casi 25 años trabayando nun de los barrios más grandes d'Europa, Radio Vallekas tá a piques d'extinguise, y con ella un tipu de radio averada, abierta y plural va desapaecer del aire que respires. Ente la nueva Llei Audiovisual aprebada pol gobiernu y la restricción casi dafechu de les sovenciones de la Comunidá y l'Ayuntamientu de Madrid, dende esta web facémonos ecu y dicimos:
¡¡SALVEMOS RADIO VALLEKAS!!
08-11-2010
Enantes de facer balance del conciertu, dende Nómadas en Acción, vos damos les gracies a toes y a tolos que pasastis el vienres 5 de payares per Gruta 77. La sala rexistró una gran entrada de xente, ocupando tres cuartos del su aforu y con un ambiente de lo meyor. A destacar el buen comportamientu y la profesionalidá de toles bandes: Discordia, Surko y Debruces. Tenemos que dicir que'l soníu esta vuelta nun tuvo a l'altura les circunstancies. Por embargu, y como siempre, agradecer a tol staff de la sala'l su buen tratu y meyor disposición. Vivimos una gran nueche de rock en tolos sentíos, munchos conocíos que por allí se dexaron caer de xuru que colaron con un buen sabor de boca. ¡¡Prometemos volver pronto!!
Dexamos la crónica del conciertu, fecha por Francisco Molero pa La Otra Mirada del Rock.
