Nómadas en Acción somos una empresa formada por persones qu’ufrimos la nuesa esperiencia na música, el deporte y la cultura, pa desarrollar:
Alcuentrase en:
14-06-2010
Dos años dempués Tendencia, grupu de referencia del metal en Cuba, volverá a xubir a un escenariu n'Asturias dempués de la su última visita en 2008. La veterana banda cubana tará acompañada polos cántabros La Hermandad, que presentarán el su discu “Reflejos de realidad II”, enantes de colar pa México de xira.
El conciertu tendrá llugar el prósimu vienres 2 de Xunetu na Sala Savoy Club de Xixón, allugada na C/ Pelayo, 2; La cita sedrá de magar les 20:30 hores, con un preciu únicu en taquilla de 5 euros. Les entraes anticipaes pueden mercase tamién al traviés del serviciu Ticketing-Office Ticketing-Office.
Esti conciertu sirve amás, como puntu d’arranque oficial del trabayu en comuña de la promotora asturiana Nómadas en Acción Multiproducciones y el sellu independiente Xunca Records que, anque vienen trabayando xuntos dende hai dellos meses, entamen con esti eventu una andadura xunitaria na producción y promoción d’eventos musicales. Pa cellebrar esta xunión, dambos van subvencionar los gastos de producción, espeyándose d’esta mena nel preciu final de la entrada, polo qu’acceder a la sala sedrá muncho más asequible pa los bolsiellos de los qu’asistan al conciertu.
