Tony Cobo ye’l nueu cantante de La Hermandad

07-04-2010

Presentamos con esta noticia al nueu cantante del grupu La Hermandad. Dempués d’un añu faciendo prebes, de búsqueda y rabia contenío por ver pasar el tiempu y nun topar a la persona idónea, podemos dar anuncia d’esta importante incorporación. Foi un añu nel que tuvimos trabayando duro na solombra, creando nueves canciones y pensando nel siguiente trabayu discográficu. Pa too esto, alcontramos en Tony a un cantante, ensin otra particularidá que les ganes de facer les coses bien y trabayar por esti proyectu. Por eso, y poles cualidaes vocales que tién, damos a conocer al que dende hai unos díes ye’l su nueu cantante: Tony Cobo. Esperamos que seya recibíu como merez, pela nuesa parte, dámos-y la bienvenía de manera oficial, esperando qu’esta rellación seya llarga y fructífera.